Ramesh Kalai Sabo? Ramesh Kalai ni Langmani Koktwma (Biography of Ramesh Kalai.
Ramesh Kalai was a legendary tribal folk singer and dancer from Tripura, known for his soulful voice and vibrant performances that reflected the rich cultural heritage of the indigenous communities. Dressed in traditional attire and often seen with his beloved tribal drum, Ramesh mesmerized audiences with age-old songs and energetic dances that told stories of the land, love, and life. His legacy continues to inspire the new generation to preserve and celebrate Tripura’s folk traditions.
Ramesh Kalai wngkha, Kalai Hoda/Dopha ni khoroksa mung gwnang, dophani rwchapmung tei mwsamung (Folk Song & Dance) kwrwng. Boh noh Kalai Hodani puila dophani mwsamung tei rwchapmungno chengnai. Bo noh Kalai dophani rwchapmung tei mwsamung achairinai hinwi bo mano. 1950 engreji bisi o Amarpur Sub-Division bai khobjak, Gomati hangkorni Ompi, Haluwa Kami o' Bupha Mg. Kalyan Manik Kalai Huk khwlai Chanai ni Nukhungo boh achaikha. Bo noh Nukhungni jotoni Khachuksa Sajwla. Kamini kaisa Govt.(Sarkari) Rwng Nogo( School) rem ba (Class v) jora lekha swrwng baiwi. Udaipur ni kaisa Sarkari rwng nogo tei waisa rem sni (class VII) jora lekha swrwngkha. Aboni yagulo nogo kiphil phaio, Pori mani bising bising boh Dophani Rwchapmung tei mwsamung bo belaino hamjago, bini porimani pai thang phano,boh bini rwchapmung tei mwsamung no khibya, khwlaino tongo. Abono karwi bo, Jana Sikhsa Andolon o' bo bini khorang rikha. Ramesh Kalai khoroksa belaino kubui tei kosong borok, joto baino homan baksa khe, mwnwi kelek khwlai miliwi tongo. Jesa samung khwlai thani boh, belaino kaham, Tripura Haste kwtal swnam jakmani eba Political halok haphaimani yagulo boh Sarkarni phaisingtwi kobokmung mankha (Invitation) kwbangma juda juda thaio thangwi Dophani Mwsamung tei Rwchapmung(Folk Dance & Song) rokno phunukna bagwi seb mankha. Dehli, Bhopal abo hai teibo kwbangma Haste o' thangwi berai kha Dophani rwchapmung tei mwsamungni bagwi.
Paithakni salo Sak hamya wngwi kwlaima bai Sarkari sakham(Govt. Hospital) nogo kwlaikha, phiya Sak hamya bemar no, mechen manya wngma bai, Paithago o swngchar naithok tok no yakarwi engreji 2012 bisio bini paithakni langma yakar thangkha.
